Hvolpar

20170915_203055354_iOS

Fyrir viku fæddust þessir dásamlegu coton de tulear hvolpar.  Það er alltaf jafn magnað að sjá hvað mamman hugsar vel um krílin og hvað hún veit algjörlega hvað hún á að gera.  Ég hef þá heimatilbúnu kenningu að maður eigi að láta hvolpana/kettlingana í friði fyrstu vikuna.  Ekkert að vesenast í þeim, engar heimsóknir, engar vigtanir(nema það sé lífsnauðsynlegt) og ekkert að taka hvolpana upp.  Ég hef prófað alskonar kenningar um þetta í mínum gotum en fór svo að hugsa um hvað tíkin/læðan eru stressuð þessa fyrstu daga, fara varla frá krílunum.  Maður færir þeim mat í gotkassann og þarf að bera þær út að pissa. Auðvitað á maður ekki að auka stressið bara af því maður getur ekki hamið sig í að vesenast í þeim eða allar þær æfingar sem maður hefur verið að gera til að gera þau tilbúnari í hitt og þetta.  Algjör vitleysa, held ég.  Með augun og eyrun lokuð, eru þetta nánast fóstur ennþá, sem þurfa frið með mömmu sinni.

Share on Facebook

Jól

20161214_123741189_ios

Ég ætlaði að taka sæta jóla-kettlinga-mynd af þessum ómótstæðilegu molum en það var útilokað að fá þau öll fjögur kyrr á sama tíma, þannig að útkoman var margar sætar myndir og nokkrar þar sem bara sást í eyra eða rass.

20161223_093548199_ios

Hænurnar fengu veglegar (að mínu mati) jólagjafir í ár, ég setti upp hænubað með sandi mold og sagi og hitaperu fyrir ofan til að gera það notalegra og glæsilega rólu sem ég keypti i Gæludýr á Smáratorgi.  Baðið sló algjörlega í gegn, en ég gleymdi að taka miðann af rólunni, og á miðanum stóð að þetta væri fyrir stóra páfagauka!!!  Þær voru ekki sáttar, dót fyrir iðjulausa páfagauka er allt annað en dót til slökunnar fyrir hænur í fullri vinnu.  Núna annan í jólum eru þær aðeins farnar að jafna sig og máta róluna.

Annars hafa þessi jól snúist um það sem jól eiga að gera, borða, sofa, borða aðeins meira og leggja sig.

20150727_080419776_ios 20161004_123808192_ios wp_000052 20160101_015102151_iOS

GLEÐILEG JÓL!

Share on Facebook

Dýralæknisheimsókn

20161123_153915527_ios

Í gær fóru krílin úr fyrra gotinu í geldingu, örmerkingu og heilbrigðisskoðun til Ragnhildar á Dýraspítalanum í Garðabæ.  Eins og sjá má á myndinni er vel hugsað um þau þar, þarna liggja þau á hitateppi meðan þau vakna úr svæfingunni.

Share on Facebook

Sorgardagur

Það eru skin og skúrir eins og allstaðar hér í hundaogkattalandi.  Í morgun dó einn kettlingurinn hennar Uglu.  Þeir voru allir sprækir og drekkandi hjá mömmu sinni í morgun en svo kom hún til mín vælandi rétt í þessu og þá sá ég að einn lá ekki í hrúgunni hjá hinum, ennþá volgur en dáinn.  Svona gerist alltaf við og við en alltaf hugsar maður hvort það sé eitthvað sem maður hefur eða hefur ekki gert sem olli þessu.  En að deyja er víst jafn algengt og að fæðast þó maður sætti sig oft illa við það.  Stundum er eitthvað að þótt það sjáist ekki, en þá fara þeir oft á fyrstu dögunum.

20161124_105934395_ios

Það er mikið búið að hafa samband við mig vegna kettlingana og ég lofa engu, þar sem ég á eftir að fara í gegnum biðlistann.  En ef þið hafið áhuga þá má senda mér upplýsingar um ykkur (fjölskyldu, húsnæði þ.e. öruggt sem leyfir gæludýr, eruð þið vön dýrum og svo frv….) á nanna@hundarogkettir.is.  Já og það er bannað að selja Gæludýr til einstaklinga undir 18 ára, og ég fer þónokkuð hærra í aldurstakmarki.

Share on Facebook

Fjölgun!

20161121_104401310_ios

Ugla gaut 5 kettlingum í nótt og ég bý þessa stundina með 13 ragdoll kisum á öllum aldri.  Mamman er alsæl og fær matinn í rúmið því hún vill ekki fara frá þeim eitt augnablik.  Ég er hálf löskuð eftir að hafa sofið í gotkassanum með henni.  Þetta er alltaf jafn stórkostlegt, að sjá þessa anga sem eru nánast fóstur, vita nákvæmlega hvert á að fara til að finna spena og læðu sem er að eignast kettlinga í fyrsta skipti kunna þetta allt.  Þannig að mitt hlutverk í þessum gotkassa er ekki neitt.

Share on Facebook

Væntanlegir kettlingar

20161117_115123871_ios

Ugla tekur því rólega þessa síðustu daga fram að goti.  Hún er nú ekki mjög kviðmikil, þannig að trúlega eru þeir ekki mjög margir.

Share on Facebook

Kettlingar

20161024_102544900_ios

Það er alltaf jafn gaman að vera með hvolpa og kettlinga, þessir óþekktaormar, Gnýr og Blær eru 8 vikna núna.  Þau eru fjögur, Stormur og Þoka líka, en erfitt að ná þeim öllum á mynd.

Share on Facebook

Haust

Það hefur ekki gefist nokkur tími í vef-dund í sumar.  Hér í hundaogkattalandi var drenað, smíðaður pallur, hellulagt og svo er alltaf verið að pota niður trjám, með von um algert logn hér við sjóinn um miðja þessa öld.  Hér fylgja nokkrar myndir af pallasmíði þar sem Ásdís og félagar létu ekki sitt eftir liggja.

20160731_164502898_ios 20160804_090548139_ios 20160905_080016009_ios 20160908_095238056_ios 20161015_163553718_ios

Share on Facebook

Allskonar fjölskyldur

20160526_111258970_iOS

Sylvía og Hólmfríður komu ekki nema tveimur ungum upp, þær búa ennþá bara tvær saman með börnunum og virðast ekkert vilja með hinar hænurnar hafa.  Börnin eru spræk, en svolítið tilbaka. Ekki beint vísitölufjölskylda sem þau alast upp í með samkynhneigðum mæðrum, fjóra helgarpabba og 9 stjúpsystkyni.  Músin Jónas er fluttur út, enda fordómafullur á allar nýungar.

Share on Facebook

Fréttir

20160525_123353788_iOS

Hér í vorhrásalganum fæddust þrír hvolpar hjá henni Tíu.  Móður og börnum heilsast vel.  Alltaf jafn gaman að sjá hjá nýum mömmum hvernig ekkert verður til í heiminum nema afkvæmin.  Nú þarf ég að fara velja úr öllu því dásamlega fólki sem hefur haft samband og langar í hvolp.

Share on Facebook