Gleðilegt sumar!

Þetta hljómar alltaf jafn vel, jafnvel þó hitinn rétt skríði yfir frostmark og rigni dögum saman, þá allavega riðjast yfir landið alskonar fuglar sem gleðja okkur og líf kviknar……..og það er sko allt á fullu hér.

Tía á von á hvolpum í lok maí, hún hefur verið léleg að borða og nennir ekki mikið að ærslast.  En það hefur verið staðfest í sónar að það er fleiri en einn hvolpur.

20160101_015102151_iOS

Heilmikið hefur verið að gerast í hænsnahúsinu líka, frk. Sigurbjörg hefur ungað út 6 ungum og hugsar vel um þá.  Þeir eru hinsvegar frekar  óþekkir        20160421_091427034_iOS

Vinkonurnar, frk.Sylvía og frk. Hólmfríður liggja á saman í anda hippatímans.  Ég hef ekki hugmynd um hvort þetta sé yfirleitt hægt þegar ungarnir eru komnir en það er ómögurlegt að setja þær í sitthvorn kassann.  Þær hafa sængurkvennakofann alveg fyrir sig og pirrast mjög ef einhver kemur inn, nema sá hinn sami hafi með eitthvert góðgæti.  Að vísu býr með þeim lítil mjög iðin mús, hann Jónas.

20160421_091534126_iOS

Mér fannst þetta nú bara nokkuð mátuleg fjölgun í hænsnahúsinu en þá lagðist frk. Jakobína á eggin sín í gær og neitar að fara af þeim, hún hefur átt við lélega sjálfsmynd að stríða og ekki beint verið vinsælasta stúlkan í hópnum, auk þess að hafa átt erfiða æsku sem hún er ekki enn búin að vinna í.  Þannig að ég ætla að leyfa henni að liggja á líka, með von um að það styrki hana.  En þá verða bara hinar að herða sig í varpinu svo hægt verði að standa sig með afhendingu eggja til áskrifenda.

20160421_091450802_iOS

Share on Facebook

Vor??

Það er nú ekki mjög vorlegt í sveitinni, þó eru dömurnar í hænsnahúsinu komnar í vorskap.  Þær vilja helst alltaf vera úti að borða og Sigurbjörg hefur dregið sig í hlé í meðgönguálmunni og liggur á 12 eggjum.  Tía (coton tíkin) fékk líka kærastann í heimsókn um daginn og hefur morgunógleðin verið að trufla hana svolítið.

20160326_111924790_iOS

Share on Facebook

“selfie”

Við frk. Ásdís brugðum aðeins á leik og tókum “selfie”20151216_210434558_iOS

Share on Facebook

Fröken Ásdís

Í vetur bættust við hænsnahópinn nokkrar dömur ættaðar af suðurlandi.  Hallgrímur var auðvitað himinlifandi, þar til kom í ljós að með höfðu slæðst hanar.  Allt er nú komið í jafnvægi og er þetta flott viðbót við hópinn.  Frk. Ásdís er ein af þeim nýju, hún er sérstaklega mannelsk og iðin.  Hér eru nokkrar myndir af henni, þar sem hún gengur í hvert verk af miklum dugnaði.

Share on Facebook

Kettlingar

Þá eru þessar stilltu kettlingatvíburasystur orðnar 11 vikna, og ekki langt í að þær fari að heiman.  Þetta eru fyrstu börn Tore hins sænska og sparikisu.

20160213_120606352_iOS

Share on Facebook

Kattasandur/sag

Ég hef verið að prófa að nota sag frá Furuflís í kisukassana í staðinn fyrir sand. Það virkar svona ljómandi vel, þetta er það hreint að það er hægt að setja það í jarðveginn eftir notkun og svona miklu,miklu ódýrara. Það eina sem er verra er að það fer dálítið útúr kassanum, en nú er ég að prófa að setja handklæði undir kassan og vita hvort það loði ekki við það.

20160121_143841128_iOS

Share on Facebook

Lifrarnammi

Ég held að hugsanlega væri hægt að kenna hundi að lesa með þessu nammi, þeim finnst þetta svo gott.  Ég var að selja þetta fyrir jólin með gjafakorti í nudd, þessvegna er myndin svona jólaleg.

Setjið í blandara eina lifur, eitt egg, 2-4 gulrætur og bolla haframjöl.   Þetta er ekket nákvæmt, ef það er til meira af gulrótum á síðasta snúning, endilega setjið meira af þeim.  Stundum set ég líka spergilkál eða grænkál eða eitthvað sem er til.  Ekki setja lauk, það er ekki gott fyrir hunda, ekki nema þið ætlið bara að borða þetta sjálf.  Svo set ég bökunarpappír í ofnskúffuna og helli þessu á.  Baka við ca. 170 í 30-40 mín, eða bara þangað til það er bakað í gegn.  Þess ber að geta að lyktin er ákaflega slæm (nema fyrir hunda og ketti) og ég geri þetta ekki nema ég geti haft opið út. Skorið niður í bita og geymt í frysti, og með svona í frystinum, er auðvelt að eignast fullt af hunda og kattavinum.

20151213_214352956_iOS

Share on Facebook

Hrafnar og hundaþjálfun

Þessa dagana er mikið af hröfnum hér fyrir utan, stórskemmtilegar skepnur sem stríða hundunum endalaust.  Þeir setjast og bíða þar til hundarnir hafa séð þá, fljúga þá upp og láta elta sig.  Hundarnir loka eyrunum og hlaupa af stað.  Það er algjörlega ómögulegt fyrir mig að ná einhverju sambandi, ég reyni fyrst blíðu ákveðnu röddina, sem það dýrafólk sem ég dái mest notar, hundarnir líta ekki við.  Þá er það sem ég hoppa og skoppa og reyni að vera skemmtilegri en krummi, með háværri, skrækri barnarödd, stundum líta þeir við…….ásamt öllum sem eiga leið um svæðið, en koma alls ekki til baka.  Þá er það örvæntingafullu reiði öskrin, og þá tek ég líka á rás á eftir þeim, því þeir nálgast umferðagötuna.  Það dugar ekki heldur og hefur aldrei gert, þannig að ég veit ekki af hverju ég missi alltaf kúlið og dett á þetta stig, þrátt fyrir öll námskeiðin og þjálfunarbækurnar.  Það er aðeins eitt sem hugsanlega fær hundana til að finnast ég eitthvað spes í þessum kringumstæðum, það er lifrarnammið!  og uppskriftin kemur hér á eftir.

20160130_152012264_iOS

Share on Facebook

Allt að gerast í heimasíðumálum.

Nú hefur þetta heimasíðubasl staðið mánuðum saman og nú prófa ég bara að birta, þótt tæknin sé enn að stríða mér gróflega.  Ég veit að lógóið er allt of stórt, og ég er a vinna í því núna, en ætla samt að byrja.  Set hér inn mynd af kisufjölskyldunni.

20160124_132204190_iOS

Share on Facebook