Pedigree er með skemmtilega reiknivél inná síðunni þeirra. Þessi reiknivél reiknar út hversu gamall hundurinn þinn er í mannaárum.
þú velur aldurinn á hundinum þínum og velur tegundina, reiknivélin reiknar út aldurinn.
Stórir hundar þroskast hraðar en minni hundar en að meðaltali er eins árs hvolpur með líkamlegan þroska á við 15 ára manneskju.
Smelltu hér til að opna reiknivélina.
Ég hef nú hækkað verðið fyrir nudd nú kostar skiptið 3500 kr, en svo er hægt að kaupa kort, 5 tíma og 10 tíma sem gefa afslátt af hverjum tíma. Síðan verð ég með námskeið í byrjun febrúar, þar sem ég kenni nuddhandtökin, fer yfir hvað nudd gerir og hvers vegna nudd er gott fyrir dýr, námskeiðinu líkur svo á að ég fer yfir dýr viðkomandi og athuga hvort eitthvað þarf meiri athygli en annað. Það verður betur auglýst seinna og verður hægt að skrá sig á facebooksíðunni.
Share on Facebook
Hér voru allir slakir um áramótin, ekki mikið um sprengingar en eitthvað þó. Ég frétti hjá nýju hvolpaeigendunum að áramótin hefðu farið misvel í hvolpana þrátt fyrir æfingar í flugeldahljóðum í bernsku. Þessi mynd náðist af Tore á nýársmorgun, það hafa trúlega ekki verið mikil rólegheita áramót hjá honum.
Fyrir viku fæddust þessir dásamlegu coton de tulear hvolpar. Það er alltaf jafn magnað að sjá hvað mamman hugsar vel um krílin og hvað hún veit algjörlega hvað hún á að gera. Ég hef þá heimatilbúnu kenningu að maður eigi að láta hvolpana/kettlingana í friði fyrstu vikuna. Ekkert að vesenast í þeim, engar heimsóknir, engar vigtanir(nema það sé lífsnauðsynlegt) og ekkert að taka hvolpana upp. Ég hef prófað alskonar kenningar um þetta í mínum gotum en fór svo að hugsa um hvað tíkin/læðan eru stressuð þessa fyrstu daga, fara varla frá krílunum. Maður færir þeim mat í gotkassann og þarf að bera þær út að pissa. Auðvitað á maður ekki að auka stressið bara af því maður getur ekki hamið sig í að vesenast í þeim eða allar þær æfingar sem maður hefur verið að gera til að gera þau tilbúnari í hitt og þetta. Algjör vitleysa, held ég. Með augun og eyrun lokuð, eru þetta nánast fóstur ennþá, sem þurfa frið með mömmu sinni.
Share on Facebook
Ég ætlaði að taka sæta jóla-kettlinga-mynd af þessum ómótstæðilegu molum en það var útilokað að fá þau öll fjögur kyrr á sama tíma, þannig að útkoman var margar sætar myndir og nokkrar þar sem bara sást í eyra eða rass.
Hænurnar fengu veglegar (að mínu mati) jólagjafir í ár, ég setti upp hænubað með sandi mold og sagi og hitaperu fyrir ofan til að gera það notalegra og glæsilega rólu sem ég keypti i Gæludýr á Smáratorgi. Baðið sló algjörlega í gegn, en ég gleymdi að taka miðann af rólunni, og á miðanum stóð að þetta væri fyrir stóra páfagauka!!! Þær voru ekki sáttar, dót fyrir iðjulausa páfagauka er allt annað en dót til slökunnar fyrir hænur í fullri vinnu. Núna annan í jólum eru þær aðeins farnar að jafna sig og máta róluna.
Annars hafa þessi jól snúist um það sem jól eiga að gera, borða, sofa, borða aðeins meira og leggja sig.
GLEÐILEG JÓL!
Share on Facebook
Í gær fóru krílin úr fyrra gotinu í geldingu, örmerkingu og heilbrigðisskoðun til Ragnhildar á Dýraspítalanum í Garðabæ. Eins og sjá má á myndinni er vel hugsað um þau þar, þarna liggja þau á hitateppi meðan þau vakna úr svæfingunni.
Share on FacebookÞað eru skin og skúrir eins og allstaðar hér í hundaogkattalandi. Í morgun dó einn kettlingurinn hennar Uglu. Þeir voru allir sprækir og drekkandi hjá mömmu sinni í morgun en svo kom hún til mín vælandi rétt í þessu og þá sá ég að einn lá ekki í hrúgunni hjá hinum, ennþá volgur en dáinn. Svona gerist alltaf við og við en alltaf hugsar maður hvort það sé eitthvað sem maður hefur eða hefur ekki gert sem olli þessu. En að deyja er víst jafn algengt og að fæðast þó maður sætti sig oft illa við það. Stundum er eitthvað að þótt það sjáist ekki, en þá fara þeir oft á fyrstu dögunum.
Það er mikið búið að hafa samband við mig vegna kettlingana og ég lofa engu, þar sem ég á eftir að fara í gegnum biðlistann. En ef þið hafið áhuga þá má senda mér upplýsingar um ykkur (fjölskyldu, húsnæði þ.e. öruggt sem leyfir gæludýr, eruð þið vön dýrum og svo frv….) á nanna@v2.hundarogkettir.is. Já og það er bannað að selja Gæludýr til einstaklinga undir 18 ára, og ég fer þónokkuð hærra í aldurstakmarki.
Share on Facebook
Ugla gaut 5 kettlingum í nótt og ég bý þessa stundina með 13 ragdoll kisum á öllum aldri. Mamman er alsæl og fær matinn í rúmið því hún vill ekki fara frá þeim eitt augnablik. Ég er hálf löskuð eftir að hafa sofið í gotkassanum með henni. Þetta er alltaf jafn stórkostlegt, að sjá þessa anga sem eru nánast fóstur, vita nákvæmlega hvert á að fara til að finna spena og læðu sem er að eignast kettlinga í fyrsta skipti kunna þetta allt. Þannig að mitt hlutverk í þessum gotkassa er ekki neitt.
Share on Facebook
Ugla tekur því rólega þessa síðustu daga fram að goti. Hún er nú ekki mjög kviðmikil, þannig að trúlega eru þeir ekki mjög margir.
Share on Facebook
Það er alltaf jafn gaman að vera með hvolpa og kettlinga, þessir óþekktaormar, Gnýr og Blær eru 8 vikna núna. Þau eru fjögur, Stormur og Þoka líka, en erfitt að ná þeim öllum á mynd.
Share on Facebook